Pueh nanak si breh payo
Butampi buang dedak nyo
Pueh nantek ku badan kayo
Kanti kito lah buranak tigo ...

Muko di timbo di bendae ujung
Ba ikan puyu banyak ngan gdang2
Muko di tanyo ka kayo datung
Nakan katuju niang ngan pubisan ...

Kito mungaji di koto bento
Mungaji nyu sampe lah senjo
Kayo bujanji baliak dahi ranto
Piyo kayo balik ba duo pulo ..

Apo carito uhang di dumo
Munanam jagung dgn lah cabai
Apo carito kayo di ranto
Kalo buruntung jepauh lah kamai ....

Muko kamai bu penyap bae
Agi ba sahat agi munyapu
Muko kamai senyap bae
Cahi di dalak lum nyu cuk.

Koto tuo munjalo di danae kincai
Ikan rayo di bena jadi ikan salai
Kalo kayo nak baparago kincai
Cubo samo add dgn goup kanta.

Tebang buluh nak malemang
Isok nyo ahai kito nak ba rayo
Ba puluh2 taun kito di ranto uhang
Baso kincai idak pernah ta lupo .


Manan kami nak ka pulau tengah
Idak ba sampan idak ba biduk
Manan kami nak di ku tengah
Awak lah hitam idak di bu baju.

Maksud ati ka talang kamuning
Mempuh pulau tengah situ lah jalan
Maksud ati iyo nak busanding
Di putung kanti sedang bu tunang .

Masak nasi uhang di kaluhu
Nasi di tanak si breh payo
Lah bupesan ka kayo dulu
Kami daknak nunggu lamo.

Pulau tengah munanam padi
Padi di tanam di tepi telago
Piyo ngah ngato idak jadi
Kami lah siap sa galo galo.

Kili kili si anak jawi
Nyu tatambek di dusun uhang
Piki piki sablum jadi
Jangan ta ambih di tunang uhang..

Kili kili si kerbau butino
Tatambeh nyu di kayu matai
Piki piki seblum ngato
Tamih ado uhang muraso atai.

Langkueh ngan padai padai
Masak gule jadi umbu nyo
Lah pueh munahan atai
Ta lepeh kato bahu nyu lego.

Sapedeh uhang minang ngato
Padai padai kato uhang kincai
Pedeh raso nginang ku kayo Dek parange kayo mun jadai2 ..

Sumber :  httpalamkincaiblogspotcom.blogspot.com